影片
更多
2021-07-23
2041 浏览
西营盘一带嘅餐厅主要都系coffee shop为主，住喺呢边又好钟意食日本嘢嘅我，真系好难揾到日本菜餐厅，而且仲要性价比高嘅真系买少见少！点知前日行去地铁站附近，见到呢一间新开嘅日本餐厅，餐厅环境坐得好舒服，装潢都非常有心思，就连佢嘅Menu都设计得好有日本风格！就算唔系食午市套餐，佢其他主餐牌上嘅食物都唔贵，虽然系平民价钱，但系食物嘅质素一啲都唔差，反而有惊喜添！佢哋而家新开张，每人仲有一碗茶碗蒸送，茶碗蒸入面嘅材料即使唔多，但系炒粉蒸嘅味道真系令到我食唔停口，蛋蒸得好滑身。值得一提嘅系，呢间餐厅用嘅器皿全部都好靓，呢个价钱食落去真系影得又食得😆我自己就嗌左佢嘅特盛寿司套餐，唔使$100有成10件寿司，仲有前菜、汤同埋甜品，喺呢个地段来讲真系抵到烂！寿司饭醋味唔错，饭粒煮得软硬适中，除咗有三文鱼、带子之外，亦都有平时少见嘅贝类刺身。而佢亦都有玉子烧系列，我就嗌左佢嘅明太子玉子烧啦！玉子烧有成六七旧咁多，好有厚度，明太子分布得啱啱好，每一旧玉子烧都食到明太子嘅味道，玉子烧嘅甜配埋明太子嘅咸味，味道真系唔错，好夹！而佢呢一个和牛鹅肝，上面嘅炸蒜配搭得非常出色，牛肉肥瘦适中，鹅肝嘅味好香，
点知前日行去地铁站附近，见到呢一间新开嘅日本餐厅，餐厅环境坐得好舒服，装潢都非常有心思，就连佢嘅Menu都设计得好有日本风格！
就算唔系食午市套餐，佢其他主餐牌上嘅食物都唔贵，虽然系平民价钱，但系食物嘅质素一啲都唔差，反而有惊喜添！
佢哋而家新开张，每人仲有一碗茶碗蒸送，茶碗蒸入面嘅材料即使唔多，但系炒粉蒸嘅味道真系令到我食唔停口，蛋蒸得好滑身。值得一提嘅系，呢间餐厅用嘅器皿全部都好靓，呢个价钱食落去真系影得又食得😆
我自己就嗌左佢嘅特盛寿司套餐，唔使$100有成10件寿司，仲有前菜、汤同埋甜品，喺呢个地段来讲真系抵到烂！寿司饭醋味唔错，饭粒煮得软硬适中，除咗有三文鱼、带子之外，亦都有平时少见嘅贝类刺身。
而佢亦都有玉子烧系列，我就嗌左佢嘅明太子玉子烧啦！玉子烧有成六七旧咁多，好有厚度，明太子分布得啱啱好，每一旧玉子烧都食到明太子嘅味道，玉子烧嘅甜配埋明太子嘅咸味，味道真系唔错，好夹！
而佢呢一个和牛鹅肝，上面嘅炸蒜配搭得非常出色，牛肉肥瘦适中，鹅肝嘅味好香，成个口感都唔错👌
张贴
