定食8 (已結業)

今日同爸爸探完亲就到附近食饭，平日爸爸好少食日本野，就醒起呢间好抵食既日本菜。新年关系，门外排左10人左右，好快就有得入座啦。入座后店员比左餐牌同点菜纸我地。餐牌款式多，总有一款会岩你食，而且价钱都几平下，30几蚊有个饭食。 每款食物加10蚊就有个茶碗蒸同味噌汤，加15就再多杯饮品。我叫左个牛扒餐，爸爸就叫左豚肉丼，两个都加左15蚊set.爸爸既饭5分钟左右就上菜啦，卖相几好。肉都唔少。姜味都几重，豚肉入味，不过爸爸就话汁唔够多。我既牛扒餐，牛扒唔算多，不过牛味几香，咬落有牛肉汁流出，不过略嫌有少少un。个饭就系日本米，质感唔错！茶碗蒸味道唔错。味噌汤好多豆腐，味道中规中矩。叫左乳酸饮品，巨峰提子比较甜，另一杯就淡左少少。真系好抵，食到饱一饱先每人约60蚊！以咁既价钱，虽然唔可以话好好食，但对得起价钱架啦！