WIRED green (已結業)

喺尖沙咀想食日本菜不愁冇选择，不过唯一要愁嘅就系冇位/等好耐...机缘巧合底下，尼间日本菜有位，咁就俾个机会佢啦。入到去，座位宽敞，气氛亦好舒适。装修用上大量木材，感觉好柔和。店员细心地介绍佢认为好食嘅菜式。经过佢嘅介绍，我决定跟佢叫，就叫咗只自家制原只猪手。等咗一阵，其他食物已经到咗。食咗一阵，猪手尼喇。原只猪手，真系好大只㖞！猪手炆得软稔，肉质唔嚡口，配上类似中式东坡肉/狮子头嘅汁，好惹味。Btw,猪皮好滑呀，骨胶原丰富😂平时西式猪手就食得多，尼个特别嘅食法原来都几好食架㖞😋咁大只猪手，最啱同朋友一齐分享！