一番日本料理

营业中

休息中

清酒煮蚬。淡淡嘅清酒香味，蚬肉鲜甜，好易入口。烧鳗鱼寿司，鳗鱼香口软腍，油润又唔腻。牛油果饭卷，饭卷中间系蟹柳、青瓜同蛋，上面铺住牛油果片，洒上蟹子，成个饭卷好fresh，蘸沙律酱食好开胃。芝麻八爪鱼，浓稠惹，味嘅酱汁，好香芝麻味，八爪鱼爽口。盐烧牛舌，牛舌好有嚼口，表面洒上椒盐去烧，又香又入味。明太子鸡翼，鸡肉香口，包住粒粒明太子，增加咗口感。香蒜鸡软骨香脆有嚼头。稻庭乌冬，冬菇、紫菜、粟米、芽菜、蛋，料都几足，乌冬爽滑。蟹籽沙律中华冷面好fresh，份量好多。日本芝士年糕，软糯嘅年糕包住浓厚嘅芝士，仲有香芋丸，钟意香口甜食一定唔可以错过。如果嫌太油腻可蘸沙律酱食。