雲壽司 (已結業)

之前喺中环食过呢间云寿司，印象中几抵食，今次去开太子，见到原来太子都有呢间云寿司，就入咗嚟食。刺身拼盘$198呢款刺身拼盘有油甘鱼、甜虾、帆立贝、三文鱼、池鱼，总共五款刺身。每款刺身各有两件，两个人share就啱啱好。啲刺身都食得出好新鲜，件件厚切，都几抵食。我最钟意就系鲜甜嘅帆立贝，因为有块柠檬片放系底，所以帆立贝会沾到少少柠檬嘅香气，食落格外清新。葱吞拿鱼腩丼$158呢碗饭望落细细碗，但其实份量好多，醋饭粒粒分明，味道调得啱啱好。上面嘅吞拿鱼茸有好多，配埋香葱，捞落碗饭到一齐食好好味，入口幼滑，充满鲜味得黎又唔腥。