和氣食堂 (黃大仙中心南館)

营业中

休息中

今日同老婆又去撑台脚，一于去呢间和气食堂医医肚。无他既，贪佢呢度选择多质素高。今日几好彩早少少入座，过多阵就见到出面排晒队。我地首先叫左个海鲜四色丼。有甜虾，三文鱼，立贝同埋油甘鱼。份量够之余，刺身仲好新鲜添。 跟住我地再叫多碟珍宝赤虾刺身同埋剑鱼刺身。 珍宝虾个虾头真系超大啊，而且虾肉非常爽脆。至于剑鱼刺身肉身厚实，鱼味浓郁得黎又唔会咁肥腻。呢碟双重芝士鳗鱼卷，真系芝士控必点！淋上汁酱既鳗鱼再配上香浓既芝士，成就左呢味双重芝士鳗鱼卷，一试难忘。口痕痕当然要试下呢碟脆卜卜既脆脆烧三文鱼皮啦。薄身既鱼皮炸到非常酥脆，好食到停唔到口。野饮方面我地叫左杯宇治金时同蓝柑白桃梳打。蓝柑白桃梳打非常大杯，饮落去品尝到微微桃味，几特别。而宇治金时既抹茶同红豆呢两个绝配系呢道饮品既主干，甘香得黎又带有甜味。甜品方面我地拣左嶡饼白玉宇治抹茶牛奶雪糕。呢款甜品除左可以一次过食齐抹茶同牛奶雪糕之外，仲有埋蕨饼白玉呢d配料陪衬，食落唔会觉得太甜，但亦心满意足。