和氣食堂 (黃大仙中心南館)

营业中

休息中

估唔到黄大仙中心都有唔少食肆，经过见到有间日式餐厅，见餐牌嘅嘢都几啱食，价钱又唔贵， 环境都几好坐，同朋友食咗个晚饭。门面及装修走简约和风设计，餐牌入面选择好多，有唔少卷物，小食，锅物等等。日本清酒石锅煮蚬（$92）- 必食推介，蚬嘅份量劲多，大大只，好鲜甜。完全食到停唔到口，秒杀。樱花虾鲷鱼汤泡饭（$125）- 卖相好吸引，入面有大大只虾、樱花虾、带子、菠菜，连埋炒米同葱食，味道好好呀。个锅keep住温度热辣辣，特别好味。烧日本广岛蚝（$98）- 一共四只，两个烧法。芝士好入味，入口味道比较creamy. 蒜蓉相对冇咁浓味，令蚝味比较突出。照烧鱿鱼筒（$98）- 份量十足，鱿鱼烧得好香，配埋照烧汁，味道好夹。金蒜烧日本米茄子（$53）- 蒜蓉控必食，用咗日本米茄子，上面铺满丰富嘅蒜蓉，入口啖啖都系蒜蓉茄子味。餐厅食物质素几好，价钱亦都合理。环境好坐，好啱三五知己饭局，聚下倾下偈。