海膽仔

营业中

休息中

一排冇食日本嘢，又有少少挂住添！今日难得放假，就于揾朋友食个下午茶先，因为朋友喺新蒲岗返工，当我讲起想食日本嘢嘅时候，佢就提议同我一齐试吓新蒲岗呢间海胆仔！我哋三点左右就嚟到呢间餐厅，因为平日又系下午茶嘅时间，所以入边既客人唔多，我哋无需等候就可以入餐厅坐低。一打开餐单，样样都好吸引，样样都好想食啊😍最后我哋嗌左寿司定食($109)、牛肉火锅($68)、仲有三文鱼寿司、赤虾寿司同埋牛油果软壳蟹卷($32)😍寿司定食嘅份量好多，差唔多有10样嘢，每一旧寿司仲要好大旧，好足料，我哋两个人食完都捧住个肚走！好饱！最后埋单都系$250左右，真系好抵食！