德膳壽司 (已結業)

一个字，抵食！以百零蚊食到新鲜食材且份量充足，大满足！叫左两个套餐，一个寿司餐（招牌叫寿司冇理由唔试寿司）同一个刺身餐。首先有薯仔沙律，面豉汤，蒸蛋做前菜，呢三样味道唔错，蛋够滑够香。主菜寿司上台，有三文鱼腩，三文鱼籽，海胆，虾，吞拿鱼，帆立贝等等，样样都好新鲜，特别一赞吞拿鱼，平时d香港普通日本食店我多数唔会叫吞拿鱼，因为多数冇味或有雪味，但德膳嘅吞拿鱼有鱼味，少少油脂，口感唔错，帆立贝同三文鱼尤其爽甜。顺带一提佢地嘅手握饭好好，唔会散。最后甜品系奶冻，很香很滑。服务员态度冇其他食评讲到咁差，都好好招呼，可能系闲日，冇咁忙啦