板長壽司 (奧海城3期) (已結業)

板长嘅午巿套餐系奥海城抵食选择，加上我系会员，可以用手机点餐落单非常方便，因此每星期都差不多会帮衬一次。鱼生丼饭系我至爱，其实之前仲有个「樱花丼」$58蚊咋，之不过用料冇咁靓，会用多少少平价鱼生，现在樱花丼已经无限期停止供应，取而代之系角切鱼生三文鱼丼。角切鱼生顾名思议系d切碎左嘅头头尾尾，但新鲜度有保证，绝对唔会将价就货。鱼生材料有主角大大块三文鱼生两片，角切类分别有三文鱼、吞拿鱼、油金鱼，仲有两片玉子。卖相相当不错，睇得出师傅刀工ichiban，令到角切鱼生非常有咬口。粒粒晶莹剔透日本珍珠米食得出淡淡的寿司醋味，而且份量十足，成碗饭食晒真系会好饱，每次食完都大满足！