影片
更多
2023-07-10
126 浏览
💁♀️💁♂️ 29/6/2023(Thu), Dinner🍽💁♀️为食妙妙同💁♂️A先生就间中都会去中环嘅苏豪区揾食，至于西湾河嘅苏豪东我哋就比较少去。知道呢度嘅梅吉涮涮锅有和牛任食火锅🍲，个汤底仲会有只好得意嘅冰牛牛🐮，今晚一于去新地方食个得意冰牛牛火锅🍲先！而今晚我地order咗：🔆 全日放题套餐A - 日本黑毛和牛 ＋日本米豚肉（任食120分钟）（$298/person）落单之后先选择汤底，因为系一人一锅嘅关系，所以💁♀️为食妙妙同💁♂️A先生可以各自拣一款汤底。店方提供共5款汤底可供选择，分别系：梅吉锅、日式海草美颜锅、芝士🧀️汤鲜茄🍅锅、酸辣🌶️锅同麻辣🌶️仙锅。最后我哋拣咗芝士🧀️汤鲜茄🍅锅同埋麻辣🌶️仙锅，上枱时先有个锅同埋汤底，之后侍应会加入一只可爱嘅冰牛牛🐮入锅入面，原来只冰牛牛🐮系鸡汤嚟嘅，慢慢溶化之后就完成个汤底可以打边炉🍲。芝士🧀️汤鲜茄🍅锅蕃茄🍅味道香甜，带点蕃茄嘅甜味，店方另外会俾一小碟芝士🧀️俾你放入锅内。而麻辣🌶️仙锅则有十分香浓嘅麻辣味道，呢个味道仲随住汤底越滚越变得浓郁，非常刺激，适合喜欢麻辣嘅💁♀️为食妙妙。店方用嘅系日本十胜产和牛，视乎客人选择嘅套餐而提供唔同级
💁♀️💁♂️ 29/6/2023(Thu), Dinner🍽
💁♀️为食妙妙同💁♂️A先生就间中都会去中环嘅苏豪区揾食，至于西湾河嘅苏豪东我哋就比较少去。知道呢度嘅梅吉涮涮锅有和牛任食火锅🍲，个汤底仲会有只好得意嘅冰牛牛🐮，今晚一于去新地方食个得意冰牛牛火锅🍲先！
而今晚我地order咗：
🔆 全日放题套餐A - 日本黑毛和牛 ＋日本米豚肉（任食120分钟）（$298/person）
落单之后先选择汤底，因为系一人一锅嘅关系，所以💁♀️为食妙妙同💁♂️A先生可以各自拣一款汤底。店方提供共5款汤底可供选择，分别系：梅吉锅、日式海草美颜锅、芝士🧀️汤鲜茄🍅锅、酸辣🌶️锅同麻辣🌶️仙锅。最后我哋拣咗芝士🧀️汤鲜茄🍅锅同埋麻辣🌶️仙锅，上枱时先有个锅同埋汤底，之后侍应会加入一只可爱嘅冰牛牛🐮入锅入面，原来只冰牛牛🐮系鸡汤嚟嘅，慢慢溶化之后就完成个汤底可以打边炉🍲。
芝士🧀️汤鲜茄🍅锅蕃茄🍅味道香甜，带点蕃茄嘅甜味，店方另外会俾一小碟芝士🧀️俾你放入锅内。而麻辣🌶️仙锅则有十分香浓嘅麻辣味道，呢个味道仲随住汤底越滚越变得浓郁，非常刺激，适合喜欢麻辣嘅💁♀️为食妙妙。
店方用嘅系日本十胜产和牛，视乎客人选择嘅套餐而提供唔同级数嘅和牛，我哋选择嘅A套餐就无指定级数，但牛肉上枱时嘅油花分布都好靓，入口软嫩有油脂香，当你食到咁上下侍应就会再上另一盘肉俾你，又或者可以向侍应落单都得。而豚肉则肥瘦得宜，食落有肉味又有油脂嘅香气。
其他配料、酱料同饮品可以去到近门口嘅自助区自取。
配料方面都有唔少选择，大路嘅蔬菜都好新鲜翠绿；粟米🌽都有两款可以拣，除咗一般嘅粟米🌽，仲有糯米粟；其他蔬菜仲有海带、萝卜、莴笋等；丸类、午餐肉、鹅肠同埋鹅肝等都有供应，鹅肠肥美，煮熟口爽脆油润；鹅肝比较少见，切件再煮完入口软糯好食；另外仲有海鲜例如蛏子、青口、蚬、沙白、翡翠螺、虾、原条小䲝鱼、鲩鱼件都有提供。
饮品方面就有原支嘅米水红豆🫘爆珠、鲜龙眼肉爆珠冰茶、豆浆、初恋青提爆珠冰茶同埋洛神花芒果爆珠。全部饮品都唔系好甜，饮落清清哋，饮多少少都唔怕。比较特别嘅有米水红豆🫘爆珠，红豆🫘味嘅爆珠同清甜米水都几夹；初恋青提爆珠冰茶加有薏米，有清热祛湿同健脾之效；洛神花芒果爆珠就酸酸甜甜，十分开胃消滞。
🔆🔆🔆🔆🔆🔆🔆🔆🔆🔆🔆🔆🔆
❤🙆♂️(A先生)整体食评：8.5/🔟
❤🙆♀️(为食妙妙)整体食评：8.5/🔟
👉🏻 餐厅冷气足够❄️，最重要系每个锅嘅位置都好似韩烧咁有抽气系统，抽走晒啲水蒸汽，唔会边食边俾蒸汽蒸住块面
A先生车友指数 🚗
🛣️ 交通容易指数：🚗🚗🚗🚗(4/5)
🅿️ 泊车容易指数：🚗🚗🚗🚗(4/5)
👉🏻 餐厅门口沿路都有一堆表位🅿️，等一等应该唔难有位
👉🏻 西湾河港铁站行过嚟大约10分钟左右，交通尚算方便
🔆🔆🔆🔆🔆🔆🔆🔆🔆🔆🔆🔆🔆
张贴
