添好運點心專門店

营业中

休息中

酥皮焗叉烧包果然系必食推介，皮脆又带微甜，有啲似菠萝包个面，包质松软，叉烧饀料多又Juicy,好好味。香煎萝卜糕煎到有少少脆边，香口好味，萝卜糕加多dd 腊味更好，会更惹味。家乡咸水角外皮略嫌唔够脆，内层烟韧，饀料足，大致不错！杏汁大白菜炖猪肺个汤奶白色，好香，杏汁味重，配埋菜干同猪肺食，有口感又滋补。叉烧葱油捞粗面有碗汤捞粗面，面质弹牙，但味道偏咸，加汤食就刚好。煎堆个面黑白芝麻都有，几特别。煎堆烟韧，内有豆沙饀，略甜。