影片
更多
2018-01-31
145 浏览
今日买咗个kfc外卖早餐，好抵食，17蚊有杯热饮，有一碗蕃茄汤通粉，同埋一条芝士火腿卷。因为天气冻，好心急就食晒碗蕃茄汤通粉，影唔到相畀大家睇，但系都想介绍下，佢嘅蕃茄汤，酸酸地好开胃，仲有粟米粒，味道唔错，汤清啲，通粉浸咗半个钟先食，都冇浸林，系咁冻天气，食番碗热嘅汤通粉几正。呢条芝士火腿卷原来系炸过嘅，大块粉皮卷著芝士火腿呢焗，好似春卷咁，但系非常香脆，而且大条啲，不过芝士火腿馅，系要食到中间先至有，开头𠮶几啖，就斋食粉皮，见到粉皮外面有啲黑色点点，原来系黑椒，食落几香口。芝士喺个卷里面焗到溶溶地，好似芝心批个边咁样，软绵绵又香，火腿咸咸地，皮又脆，口感好丰富，系馅少啲啫。每朝一杯咖啡，要嚟醒神，其实食得快餐店冇乜要求，最紧要有咖啡味就得，杯咖啡都几香浓，落一包咖啡糖啱啱好，唔落糖的话就苦啲，视乎个人口味。总结，抵食！早餐有餐茶，汤粉，芝士火腿卷，其实等于茶餐厅嘅abcd餐，不过分量全部缩细少少啰。咁平，都算畀足料你啦。
因为天气冻，好心急就食晒碗蕃茄汤通粉，影唔到相畀大家睇，但系都想介绍下，佢嘅蕃茄汤，酸酸地好开胃，仲有粟米粒，味道唔错，汤清啲，通粉浸咗半个钟先食，都冇浸林，系咁冻天气，食番碗热嘅汤通粉几正。
呢条芝士火腿卷原来系炸过嘅，大块粉皮卷著芝士火腿呢焗，好似春卷咁，但系非常香脆，而且大条啲，不过芝士火腿馅，系要食到中间先至有，开头𠮶几啖，就斋食粉皮，见到粉皮外面有啲黑色点点，原来系黑椒，食落几香口。
芝士喺个卷里面焗到溶溶地，好似芝心批个边咁样，软绵绵又香，火腿咸咸地，皮又脆，口感好丰富，系馅少啲啫。
每朝一杯咖啡，要嚟醒神，其实食得快餐店冇乜要求，最紧要有咖啡味就得，杯咖啡都几香浓，落一包咖啡糖啱啱好，唔落糖的话就苦啲，视乎个人口味。
总结，抵食！早餐有餐茶，汤粉，芝士火腿卷，其实等于茶餐厅嘅abcd餐，不过分量全部缩细少少啰。咁平，都算畀足料你啦。
张贴
