Mee...lemongrass (彩園廣場) (已結業)

喺上水住左二十几年，经常都会留意一下新餐厅。今次行过彩园见到有间饮品舖做紧买一送一优惠，连住呢间星马泰餐厅几吸引，就入左去试。食物选择多，而且几抵食！两个人叫到成枱都系！特别推介呢个小食拼盘包括虾饼、鸡翼、春卷、串烧各两件及无骨凤爪，非常丰富虾饼炸到香脆热辣，口感弹牙。串烧鸡牛各一，肉质软嫩，蘸上沙嗲酱更惹味。下午茶餐有海南鸡饭，套餐有汤、菜、油饭，鸡肉肉质几嫩滑，去咗骨啖啖肉食落好方便。食泰国菜又点少得芒果糯米饭！下午茶餐加$26就有一份。糯米饭微暖，入口烟韧唔黐牙，芒果香甜，椰汁唔太甜啱我。估唔到呢度有台式饮品，要外面买先有买一送一优惠。左边系火炙芝士黑糖珍珠鲜奶，听个名都够晒邪恶！芝士奶盖同黑糖味道香浓，珍珠有咬口。右边系东方美人奶盖茶(下午茶餐加$14)，茶底不错但奶盖唔够厚身。饮返杯水果茶解腻先！四季春茶味清香，加埋唔同新鲜水果系健康之选。