影片
更多
2019-03-05
339 浏览
M佬今日话带我去酒楼试菜，唔通系我哋结婚晚宴嘅菜色？（瞓醒未？连婚都未求）原来嚟紧就系M妈生日，佢想带佢去酒楼食餐饭，所以今日就嚟到北角嘅彩福喜宴，呢到嘅晚市小菜选择好多，价钱仲要一啲都唔贵，够晒经济实惠。沙姜鸡脚抵赞位系将鸡脚切开为二，睇得出餐厅嘅细心，令到我哋食得够晒方便。而鸡脚涨卜卜，够晒入口，都几爽口架！脆皮旺金南乳鸡（半只）食鸡又点可以唔食鸡皮呢？呢块皮炸得好脆口，而鸡肉仲要好滑嫩，记住点埋个南乳汁，真系好惹味，半只嘅份量都唔少。粟子淮山鸡煲呢个鸡煲嘅重点不在于鸡，系个粟子够晒腍，仲索晒啲鸡味；而淮山一样入晒昧，好正呀！客家风味炆猪肉上枱仲热到支支声，而猪肉一层肥一层瘦，食落唔会油淋淋，而且炆到入晒味，送饭一流！
沙姜鸡脚
抵赞位系将鸡脚切开为二，睇得出餐厅嘅细心，令到我哋食得够晒方便。而鸡脚涨卜卜，够晒入口，都几爽口架！
脆皮旺金南乳鸡（半只）
食鸡又点可以唔食鸡皮呢？呢块皮炸得好脆口，而鸡肉仲要好滑嫩，记住点埋个南乳汁，真系好惹味，半只嘅份量都唔少。
粟子淮山鸡煲
呢个鸡煲嘅重点不在于鸡，系个粟子够晒腍，仲索晒啲鸡味；而淮山一样入晒昧，好正呀！
客家风味炆猪肉
上枱仲热到支支声，而猪肉一层肥一层瘦，食落唔会油淋淋，而且炆到入晒味，送饭一流！
张贴
