泰 (銅鑼灣廣場二期) (已結業)

7周年记念日， 又系食泰国菜，精选左铜锣湾广场二期的6楼的Thaiology. 全店以深绿配金色为主， 地方大，坐得舒适。难得唔使凑女就必食咖哩。有shake shake海鲜，但二人餐价咩都得有。上菜速度仲好快， 可以影到张top view齐送菜相， 好开心。明炉椰汁鸡汤：明炉一直keep住温度，甜中带少少酸又几特别，有菇有鸡粒好滋润的感觉。青木瓜沙律：好大盘，好好层次， 洋葱青瓜丝爽口青甜。泰式大虾金边粉：又系大份量， 金边粉爽口， 镬气够，大虾够睇头。串烧4串：猪牛鸡都有，香喷喷， 烤得好香，色泽吸引。黄咖哩牛肉：先有蔬菜放面， 下面先系牛肉， 酱汁唔算辣多到汤。好老公话下次想食红咖哩㖞。套餐仲配2杯饮品， 就拣左椰汁冰同红荳冰。红荳已经煮到起沙， 非常赞。椰汁糕6件，细细件，不太甜， 原来套餐 加28元便可， 圆满结束。