木船泰國粉麵專門店 (已結業)

好耐冇去木船食野啦，而家轉左餐牌，食物種類唔限於泰國棻。推出左定食之後，性價比真係好高。定食係有包3款小食，包括2件魚餅，甜甜地既蛋沙律同埋中華沙律。仲有得簡湯，可以簡冬陰功湯或者肉扎肉鮮雞湯。我地叫左個滑蛋燒鰻魚大碗飯同埋招牌燒豚肉飯，簡左冬陰功湯。小食方面就叫左絲網春卷同埋泰式炒通菜。滑蛋燒鰻魚個蛋真係好滑! 燒汁唔會太咸飯既份量都好多，可能一個女仔都未必食得曬。冬陰功湯酸酸辣辣咁，好開胃。燒豚肉飯入面仲有隻溫泉蛋，豚肉切好一片片，都幾大塊，煎得好脆口。泰式炒通菜就辣辣地，另外仲有得簡蒜蓉炒架。春卷有4件，都係廿幾蚊，好抵食。 野飲就叫左椰青，好清甜，仲有好多椰子肉，好滿足呀！