麵屋豚豚拍子 x 辛味屋 (已結業)

放工同屋企人出街食饭，今次嚟到位于宝琳嘅面屋豚豚拍子x辛味屋食晚餐食物款式都几多，有多款日式小食、拉面、咖喱饭、丼饭同便当等等，价钱优惠。芝士年糕年糕外皮炸得香脆，里面嘅年糕烟韧有咬口，年糕内嘅芝士夹心味都几香，而且软绵，个人好中意。照烧鸡扒汉堡扒便当鸡扒外皮煎得够脆，鸡肉都够入味。汉堡扒一共有两块，煎得几香，调味甜甜地，肉质几腍，个酱汁都几送饭。便当更配有味噌汤同埋是日前菜。吉列猪扒蒲烧鳗鱼便当吉列猪扒色泽炸得几靓，外皮几香脆，猪扒肉质都够腍。蒲烧鳗鱼烧得焦香，肉质几嫩，蒲烧汁味道颇为浓郁。饮品方面，惠顾主菜可以半价优惠购买饮品，我哋分别叫左冻奶茶同冻柠茶，都几抵饮。