食得樂小廚餐廳 (已結業)

家人有时唔想煮饭，就会嚟呢度叫小菜。每次晚饭时间去到都好多人，甚至见到外卖要用个纸皮箱先装得晒伙记都十分有街坊人情味。店内似乎都唔少熟店，包括自己哈哈坐低可以叫野饮或例汤，我哋每次都会叫例汤，贪佢够哂真材实料又大大碗。真系好大碗，份量差唔多系屋企用嘅大汤碗size，而且每碗都好多料，唔会好似好多餐馆嘅汤咁，估唔出系咩汤食肆用味精唔怪得人，但呢间嘅用份我个人认为算少，尤其系个汤到见到。唯一系师博调教份量不一，有时重手咗啲。小菜方面除咗鱼，都系$48-$68，加$10转餐就会跟白饭。今次叫咗个咖哩班腩煲，即叫即整，等咗10几分钟，不过有大大碗汤饮，同屋企人吹下水，都唔会嫌上𩠌慢其他冇影到相但都要比赞！呢度胜在所有嘢都大件夹抵食，3个人其实2个𩠌就啱啱好。