食得樂小廚餐廳 (已結業)

成日都唔記得呢度叫食得喜定係食得樂，感覺上2個名都差唔多。。😂😂😂 來呢度我最鍾意食佢個湯飯紫菜魚腐湯飯，食呢個可以唔使叫飲品，基本上個湯會全清。😂😂😂 魚腐好索湯，薄身唔厚唔難咬。好好食。。紫菜同魚腐都好match~但如果你問我個湯有無味精，我可以答你一定有，不過簡唔中食一餐，都okay gei~除左湯飯外，其實佢啲飯同炒粉餐都幾抵，有啲仲抵過食常餐，而且選擇都唔少。最最最最好既就係轉凍飲唔使加錢。👍🏻👍🏻👍🏻😂😂😂

餐牌寫住下午茶送凍熱飲品(唔洗加錢)但最後張單係加咗$3埋單問女收銀係咪打錯，佢睇一睇就話係$39其實如果寫明要收我唔介意，但咁樣搏大霧餐牌寫送~單就加錢幾蚊唔多，但好唔老實，絕對唔會再去！食物落錯單，叫個炒飯,落錯單比個炒鳥冬廢事佢要改照要，點知錢仲要收多~收多錢個情況其實都試過3次，上幾次都可以拎個餐牌對質今次餐牌都收埋無得對，每日咁多人去食，呢張單呃下個張單呃下都咪話錢少。

🏀中午同朋友係附近打完波，諗住又搵間新嘢試下，見個門面正正常常，裡面都有啲人食緊，咁就入去試試，希望搵到間性價比高嘅午市飯D. 干炒牛肉河🐮夠獲氣，份量足，牛肉肉身唔硬，可以入口🏃🏽‍♀️上菜速度都算快，大約5分鐘就到E. 揚州炒飯🍚份量都夠，同樣夠份量，多料，蝦夠彈牙總括來講：🍜食物方面算係正路，價錢唔貴，性價比高👎🏾但服務就差左啲！杯凍檸茶叫佢少冰，點知阿姐幫我走左冰，仲叫極都扮睇唔到，態度又差🙄👉🏾就算嘢食可以接受，但咁差嘅服務叫人點食得樂😤

好難得今日有同事請食生日飯，來到一間近來新開茶記小店。原以為只是一間名不經傳的茶記，居然有久違了在這將近末落而僅存的東江菜館才見的薑蔥霸王雞，大家一夥人歡喜若狂! 以此為江南客家人必食之選。嚼罷，口中滿溢清遠走地雞之雞香，薑蔥散發之啖啖芳香，將雞肉之滑及油香味昇華到極致。點了9男女份量的豉油王大蝦。新鮮度是殼與肉分離的感覺，味道及溫度就是殼與肉融為一體，色香味俱全。店主見我們一行那麼多人，出菜以兩大碟上枱，令我們有如上賓豪吃的感覺。此菜一出，性價比高之驚人!又點了雞蛋煎蠔。出乎意料之美味，美味在於蛋漿與蠔交融於水火之中。蛋餅外脆，蠔仔內軟。再加條清蒸紅鮋。紅鮋清淡之鮮，令我回想起家的感覺!最後以一杯 "食得樂" 奶茶作結。令我在回家的途中，帶著啖啖的回香... 對了，這就是香港的味道!最後要稱讚店舖員工之服務態度，很有禮

街坊生意10分便宜食物整體不錯，環境衛生椒鹽魷魚外脆內軟，美極蝦多汁爽脆美極蝦抄得夠火候中式牛柳味道一般奶茶10分好飲，很滑易入口，不苦澀令人十分滿意的聚餐值得試的餐廳

同事介紹, 作晚飯小聚.  一試之下大家有不錯的食評! 職員有禮, 食物質素勝價比高, 好好食, 值得推薦! 食物調味不會太咸,  蔬菜新鮮! 看見周圍的食客都叫蒸魚, 細看之下蒸魚好大碟, 應是衆人之選, 下次有機會再一試品嚐! 大家開心愉快地享受了一頓晚餐, 回憶滿載!

因為時間都已經接近兩小時，於是就一直等到下午茶時段才進食。經過「元朗冰室」的時候，都已經心郁郁，不如吃炸雞髀沙律或者薯條🤔吧，但是，之前在深水埗都已經吃過幾次元朗冰室，又不想重複。於是，走着走着就去到了長沙灣的這間食得樂，只看門面，感覺上與深水埗的住家飯餐廳食得得應該沒有什麼關係，看看餐牌，下午茶選擇也不少。直接就點了個炸雞髀沙律，等候時間比較久，當然，即炸雞髀，等候時間當然較久，對面的男人，坐下吃了碗麵都已經完成了👋🏿。先看看這杯凍檸茶，顏色深濃，可說是近月看過最濃的凍檸茶，呈深啡色的濃茶，喝下去果然夠味，點了少冰就更好，不會被冰粒溶下來所淡化，再近睇，檸檬有五片之多，非常有誠意。炸雞脾沙律，沙律有青瓜、薯仔、菠蘿等等，沙律醬多，因此有違健康。炸雞脾，體積相當大，除了雞腿的位置，上邊極之大，雞皮位置都沒有炸乾了的感覺，相信是生炸的，因為內裏的雞肉的肉質仍然保留甚多，切開後，頂上面薄薄的雞皮，又不會太過肥膩，雞腿肉汁甚多，不會乾鞋，因此估計翻炸的機會甚低。星期六日，深水埗很多小店都要等位，而這間店子，的下午茶只需$32 ，大件夾抵食，值得一試。

今日呢長沙灣做嘢，再一次嚟到呢間茶餐廳食午飯。真係覺得有啲出奇喎，據我上次嘅經驗，呢間茶餐廳啲嘢食都唔錯呀，坐嘅環境又舒服，但係唔知點解好少人喎，所以就算係我晏晝食飯時間去，都唔使等位就有卡位坐喇。午餐一d都唔貴喎，其實可以講話係平添，$30就有喇。蠔仔湯飯 三十蚊，碗飯都幾大碗，好多蠔仔！ 加埋芫茜同肉碎，成碗飯嘅口感都非常好，湯亦都夠清甜！其實以食物質素同埋價錢兼夾坐嘅環境又舒服，下次黎開長沙灣我都會食番佢。

家人有時唔想煮飯，就會嚟呢度叫小菜。每次晚飯時間去到都好多人，甚至見到外賣要用個紙皮箱先裝得曬伙記都十分有街坊人情味。店內似乎都唔少熟店，包括自己哈哈坐低可以叫野飲或例湯，我哋每次都會叫例湯，貪佢夠哂真材實料又大大碗。真係好大碗，份量差唔多係屋企用嘅大湯碗size，而且每碗都好多料，唔會好似好多餐館嘅湯咁，估唔出係咩湯食肆用味精唔怪得人，但呢間嘅用份我個人認為算少，尤其係個湯到見到。唯一係師博調教份量不一，有時重手咗啲。小菜方面除咗魚，都係$48-$68，加$10轉餐就會跟白飯。今次叫咗個咖哩班腩煲，即叫即整，等咗10幾分鐘，不過有大大碗湯飲，同屋企人吹下水，都唔會嫌上餸慢其他冇影到相但都要比讚！呢度勝在所有嘢都大件夾抵食，3個人其實2個餸就啱啱好。

這兩天本來請左大假，plan 左啲嘢做，點知一個唔該病左，準時食藥只換嚟不停訓既結果，口淡淡，唔想食粥，所以就周圍揾野食，終於選到食湯飯。我不是莞茜控，但對佢無抗拒，這選擇都幾抵莞茜皮蛋仲可選2個餸，我選左豬潤同魚片，好似正氣一啲。 好彩佢分左湯同飯，因為我仲要等車同坐車返屋企，唔分的話，啲飯會勁淋。豬潤都唔會過硬同唔會有用嘢嗱過咁。魚片份量唔太多，嗶完有啲散，同有啲啲碎骨，唔知係咪鯇魚係難啲處理嫁呢？ 可能$31平平地啦，所以皮蛋份量都少，無乜皮蛋味，不過咁就清清地，啱病人食。我想講，依度啲人既服務都幾好，唔會因為我叫平野而態度差，另外，依個飯，只要加$3就可以要杯冷熱飲品，抵上加抵!

食得樂小廚地方整潔，各式早午晚餐及小菜價亷物美，欵式多，食物味道適中，價錢大衆化，很經濟。我由其喜愛油浸筍殼魚，美味可口，霸王鷄又新鲜又好味。除了地方環境清潔外，侍應服務態度友善，昨晚與三五知己到這裡晩飯，吹水一番。雖然坐上個半小時，但侍應仍然很有禮貌相待。埋單找數，價錢平到我們估不到，經濟抵食，絕對值得向各位推介食得樂小廚餐廳。特別值得一提的是今早與家人到這裡食早餐，非常好味，欵式又多。最難得的是這店舖職員很勤力，由早上七時至晚上十一時提供服務，方便我哋一批上班族飽飽肚。

這次的到訪已是個多月前的事，現在才有時間補文。週末食早餐，喜歡一個人，靜靜哋。見到呢問舖，裝修新淨，座位濶落（茶餐廳來說），相信由於是新開，人不是太多，就走入去試試。平日上班匆忙，一般只是匆匆地買個包便算。餐蛋米＋熱奶茶一向也是我至愛，就試一試。早餐餐蛋米有菜芯，有驚喜，湯底味道好好，應該不是味精。奶茶香，很滑，有茶味坐著卡位，一面吃，一面看書，很寫意的早上。自這次經驗，已再來2-3次。可惜餐蛋米的菜芯已消失，不過食品質素仍保持水準

食得樂小厨餐廳，睇住佢開張已有半年，價錢都算唔貴，地方企理，乾淨，好坐環境都好舒服，又有電視睇服務姐姐都好有禮架，呢區已經好好了。其實已幫趁過幾次了，早餐，午餐都食過，但始終都無評過，依家就講下囉今日，29/6/2017, 到長沙灣這店食個早餐，叫了平，靚，正之選： 仿鮑魚絲火腿絲通粉+熱咖啡 $26, 超值又好食，湯底好味有味道，又似中式麵湯, 我鐘意；咖啡又濃又正又大 我好鐘意，都食左幾次除此之外，仲有雙併粉麵 加熱飲 $30, 還有其他的 (請睇相), 但就貴d , 想食多份量就要叫貴少少囉。夜晚有小厨小炒架，大家可以試下。]]]]]]]]]

同朋友返完工一齊食晏，見新餐廳就入去試下～點了土魷蒸肉餅，加$40有一碟炒菜，職員話可以用馬拉盞炒，所以叫左碟馬拉盞油麥菜～味道沒有太大驚喜，但無論湯或小菜都非常大碟，好抵食！會再返黎試下其他小菜～