大頭蝦南風海鮮酒家

营业中

休息中

秋凉行山系指定动作，睇完芒草当然要去医肚，但东荟城食黎食去又系果d连锁式餐厅，就揾下有冇其他好野食。今次就俾我地几个为食鬼揾到呢间隐世大排档。好家庭式既小店，有室内同室外，门口重可以泊车。首先斩左个烧味双拼-烧鹅配切鸡，两份都系脾，啖啖肉。烧鹅好香鹅味，唔算好肥。而切鸡肉质好滑。小炒皇-腰果香脆好食，有虾干既鲜味，韭菜花又嫩口无渣。冬阴功汤煮蚬-冬阴功惹味开胃，可以空口饮，蚬肉鲜甜肉厚。莲藕猪肉饼-呢个藕饼比较腍身，食都有粒粒既莲藕粒，似系半煎炸，有啲脆边。酸菜煮原条鲩鱼-天气凉，食返个热辣辣，煲下煲下既酸菜鱼，又暖身又开胃，而且条鱼十足斤两，泡过油，但唔影响其肉质既嫩滑，呢个煮方重撇除咗鲩鱼既草腥味。而且重有芽菜豆卜等做配料。