M3 Italian (已結業)

老公生日，请咗一日假一齐轻松下，午餐嚟咗呢度M3食享受二人世界。叫咗两个午餐，可选餐汤或沙律，是日餐汤系忌廉粟米汤，沙律系田园沙律，除咗菜仲有荞头、车厘茄、小柑，加埋啲酸味味嘅沙律酱， 十分清新开胃。主菜有香草忌廉烟三文鱼意大利饭（ $66），将两块几大嘅烟三文鱼卷埋一齐变咗个花放喺中间，摆得靓靓，个汁相当creamy好味，饭入面仲有三文鱼碎、车厘茄、黄色好似翠玉瓜质地嘅瓜，食得津津有味！另一个主菜系香煎纽西兰鳕鱼柳伴烟肉四季豆及热情果忌廉汁（$73），有两大块鱼柳，厚身咬落有口感，而且煎得香脆，几钟意佢呢个热情果忌廉汁，甜甜地，很特别，平时好少遇到。意粉唔知系咪叫Al dente,系刚好带点可接受的硬度。估唔到系呢个位置，已经唔系旺区，但lunch后来系坐满人的，之前人地推介食晚餐，见佢夜晚有蚝，有机会来试下，相信晚上更具情调。