影片
更多
2021-04-24
309 浏览
熟悉九龙城嘅应该唔会对地茂馆陌生，呢间糖水舖一直以嚟都扎根喺𠮶区，而且多年嚟绝无分店。不过近年就喺将军澳开咗一间新分店，呢日见行过附近就决定试下，睇下水准有无唔同。铺面沿用仿旧式风格，墙壁上有介绍几个招牌甜品嘅做法。令人眼前一亮嘅系原来呢度嘅杨枝甘露系用咗雪糕嚟整，做法相当独得。虽然店舖面积比较细，但由于系晚上时间，所以唔洗等位就可以即刻食。蛋白炖鲜奶 ($27)虽然杨枝甘露好吸引，但由于唔方便食冻野，所以拣咗个热嘅蛋白炖鲜奶。同好多其他甜品铺一样，呢个炖鲜奶都食得出系之前整好咗再加热，但佢嘅奶味好香又够滑，可以话系弥补到呢个不足。钟意食比较甜嘅人可能会觉得唔够糖，但个人嚟讲呢个甜度就啱啱好，食落声都唔会有罪恶感！同之前系九龙城店食嘅相比，我觉得水准算几一致。红豆马豆糕 ($6)呢个糕可以话系佢地嘅一个招牌，一嚿糕里面红豆糕马豆糕各占一半，分开食又得，一齐食亦得。个人嚟讲梗系推介两边一齐食，咁先可以试到马豆嘅清甜同红豆香混和嘅味道。同九龙城店相比，我觉得呢度嘅马豆比较少，如果可以填满多啲个糕就会令人满足啲。不过今时今日仲可以用六蚊食到件咁特别嘅糕点，我觉得非常抵食。总括嚟讲，呢个价值算
铺面沿用仿旧式风格，墙壁上有介绍几个招牌甜品嘅做法。令人眼前一亮嘅系原来呢度嘅杨枝甘露系用咗雪糕嚟整，做法相当独得。虽然店舖面积比较细，但由于系晚上时间，所以唔洗等位就可以即刻食。
蛋白炖鲜奶 ($27)
虽然杨枝甘露好吸引，但由于唔方便食冻野，所以拣咗个热嘅蛋白炖鲜奶。同好多其他甜品铺一样，呢个炖鲜奶都食得出系之前整好咗再加热，但佢嘅奶味好香又够滑，可以话系弥补到呢个不足。钟意食比较甜嘅人可能会觉得唔够糖，但个人嚟讲呢个甜度就啱啱好，食落声都唔会有罪恶感！同之前系九龙城店食嘅相比，我觉得水准算几一致。
红豆马豆糕 ($6)
呢个糕可以话系佢地嘅一个招牌，一嚿糕里面红豆糕马豆糕各占一半，分开食又得，一齐食亦得。个人嚟讲梗系推介两边一齐食，咁先可以试到马豆嘅清甜同红豆香混和嘅味道。同九龙城店相比，我觉得呢度嘅马豆比较少，如果可以填满多啲个糕就会令人满足啲。不过今时今日仲可以用六蚊食到件咁特别嘅糕点，我觉得非常抵食。
总括嚟讲，呢个价值算系超值，加上同总店水平相近，住附近嘅绝对可以多多考虑。
蛋白炖鲜奶
$27
13 浏览
0 赞好
0 留言
红豆马豆糕
$6
10 浏览
0 赞好
0 留言
张贴
