囍筷 (已結業)

行过铜锣湾礼顿道，闻到香味，原来呢度有间台湾便当外卖店。 见到价钱好抵，一个餐50几蚊，追加小食有半价，决定买外卖返屋企叹。店子虽小，但店员友善，都几多人帮衬。店内有几个座位，但多数都有人用紧，所以都系主打外卖。鸡丝卤肉饭便当（$58）， 份量不少，里面有鸡肉丝，卤肉，豆腐，半只蛋，仲有小棠菜同茄子，营养都几均衡。鸡翼便当（$56） 鸡翼炸到脆卜卜，同样有好多配菜。另外叫咗一啲小食，有古早味香肠，炸豆腐，沙茶鸡中翼，口味正宗，食得好开心。饮品点咗珍珠奶茶与冬瓜茶，珍珠奶茶的茶底好香，珍珠好弹牙，烟烟靭靭。冬瓜茶就够清新解渴，水准几高。