馬宮主

营业中

休息中

朋友好钟意食川菜，佢今日带我去长沙湾一间菜馆，餐厅主打正宗四川风味菜式，同样有粤菜可选。因有多年川菜经验师傅主理，味道零舍正宗，所以朋友时不时都会去开饭🤣。毛血旺 $169.- 用大碟盘上枱，份量大材料多，有大肠、百叶、鸭血、豆芽、莴笋、木耳及阔粉，味道麻辣鲜香😋，汁浓味足。霸王辣子鸡 $129.-大量辣椒及花椒与鸡粒一齐炒，味道麻辣，口感酥脆，惹味又香口。酱茶鸭 $99.-酱茶鸭做法正宗，鸭子腌制后，先熏后炸，口感皮脆肉滑，味道咸香，仲有淡淡烟熏香气🥰。金薯黑椒猪颈肉 $78.-猪颈肉质Q弹带油香，薯仔粒表面炸得焦香，带阵阵香甜蜜糖及黑椒香味，粤菜都好出色🥰。椒盐鱿鱼 $129.-外层炸浆炸得香脆，选用新鲜鱿鱼😍，口感零舍弹牙，富有鱿鱼香味，混埋炸过嘅蒜蓉及辣椒粒，又一惹味未之选。红糖糍粑 $59.-热辣辣有非常香脆的糍粑，点上红糖及黄豆粉一齐食，越食越想食😋。