亞泰

营业中

休息中

蛋咖哩蟹肉枕头包蛋咖哩好香而且绵滑，咖哩味浓又唔会太辣。加上面包焗到脆身，夹埋一齐食好夹。重点系蟹肉真系一梳梳，嫩滑又有蟹肉香，整体好出色！ 沙嗲串烧两串鸡同猪，肉质比起一般串烧厚实而且又唔会韧，鸡肉仲有肉汁添。加埋沙嗲酱一齐食劲惹味。 蒜蓉通菜呢个就正常发挥，通菜够新鲜爽口就好难唔好食。 椰汁鸡汤另一个惊喜，椰汁味香又唔会太甜盖过鸡汤味，鸡肉好滑肉味突出，夹埋一齐非常好饮同埋鲜味! 泰式奶茶茶底好浓而且奶既比例岩岩好，冰冻又好饮。叫第二支会转外卖樽俾你，饮唔哂都可以直接拎走，好细心。