影片
更多
2024-03-25
2318 浏览
呢间餐厅已喺九龙城屹立多年，价钱大众化环境企理，以往食经常要大排长龙，今晚嚟开九龙城见唔驶排队就入去开餐。⭐️泰式猪肉生菜包猪肉瘦而爽口，泰式香料味浓，炒得干爽不油腻，跟6-7大片生菜足够包晒成碟肉。跟足泰式口味偏辣，食得辣嘅会大满足，唔食得辣嘅切记落单时讲明小辣。⭐️泰式虾球炒金边粉泰式炒金边粉要整得好味，phad Thai 酱要正宗兼甜酸度适中，炒到每条金边粉带汁之余不能过湿或过干，极考师傅炒功。呢间餐厅做到晒以上要求之余，四只大虾爽口入味，金边粉份量亦多，喺区内食过嘅泰菜馆中以佢整得最好食兼抵食👍🏻👍🏻👍🏻👍🏻⭐️炸虾饼餐厅最抵食推介系每晚有一款加$1就食到嘅菜，食满$200就叫得，星期五轮到炸虾饼当然要叫。虽说近乎免费，但一碟六件绝无偷工减料，即叫即炸香脆不油腻，虾胶带虾肉大件厚身饱满弹牙，好味 👍🏻👍🏻👍🏻⭐️青柠梳打味道正常，大杯得嚟少冰扺饮。以咁嘅质素同环境晚饭时间人均只系百零蚊就食到三样嘢，性价比高。
⭐️泰式猪肉生菜包
猪肉瘦而爽口，泰式香料味浓，炒得干爽不油腻，跟6-7大片生菜足够包晒成碟肉。跟足泰式口味偏辣，食得辣嘅会大满足，唔食得辣嘅切记落单时讲明小辣。
⭐️泰式虾球炒金边粉
泰式炒金边粉要整得好味，phad Thai 酱要正宗兼甜酸度适中，炒到每条金边粉带汁之余不能过湿或过干，极考师傅炒功。呢间餐厅做到晒以上要求之余，四只大虾爽口入味，金边粉份量亦多，喺区内食过嘅泰菜馆中以佢整得最好食兼抵食👍🏻👍🏻👍🏻👍🏻
⭐️炸虾饼
餐厅最抵食推介系每晚有一款加$1就食到嘅菜，食满$200就叫得，星期五轮到炸虾饼当然要叫。虽说近乎免费，但一碟六件绝无偷工减料，即叫即炸香脆不油腻，虾胶带虾肉大件厚身饱满弹牙，好味 👍🏻👍🏻👍🏻
⭐️青柠梳打
味道正常，大杯得嚟少冰扺饮。
以咁嘅质素同环境晚饭时间人均只系百零蚊就食到三样嘢，性价比高。
张贴
