泰廚泰國菜館

营业中

休息中

每次系旺角想食泰國菜，都會諗起通菜街天橋附近的泰國菜，因呢間門口有個阿姐專門系門口燒串燒好香。香茅豬扒撈㩚，豬扒炸到好香口又夠淋，撈㩚淋上醬汁撈埋酸酸甜甜地好好味。泰式扎肉冬陰公湯河，冬陰公湯底酸酸甜甜辣辣好好味，河粉又索埋冬陰公湯的味好正，扎肉又爽彈。和牛串燒燒到剛剛好，牛味農肉質又淋配上醬汁好入味豬頸肉串燒燒到好香又可以逼到油脂出來不肥膩，豬肉和雞肉都燒到好香口，配上沙嗲醬好香濃，呢度沙嗲醬又唔辣甜甜地好好味。扎肉鳳爪沙律鳳爪好入味又系無骨又爽彈又唔會辣。馬拉盞炒椰菜苗，椰菜苗炒到好爽口又夠味道。龍眼冰又夠味又有龍眼肉。