雄泰

营业中

休息中

星期六，食个late lunch。记得之前同屋企黎食过lunch，味道唔错，价钱又平。果阵叫左好多野，又饭又面又小食，今次自己黎食就冇得叫咁多样。睇个menu就见到，大部份价钱系三字头去到最高四十几，有d直头系二字头，呢个价钱真系平通街。记得之前黎食果阵，有叫海南鸡饭，炸虾饼同埋烧猪颈肉，味道都唔错。今次我就叫左个鸭肉船河。汤底只色够深，味道都的确够，咸得黎少少甜甜地。配料有葱花同埋似系炸蒜既野，令个香味同口感都多d。鸭肉切成薄片，份量比预料多唔少，一排有成十块。河粉系幼身既，滑得黎冇渌得太林，配埋个汤，唔错。我冇加野饮，所以埋单就系39。环境唔错，都几阔落唔会逼。佢平得黎其实份量睇落好似系偏细份d，不过宜家出面食泰国野其实都唔大份得去边，起码佢平，你可以试多几样野食。