泰味屋 (已易手) 新餐厅

好多年无黎过梅窝，都唔知食乜好。梅窝呢个地方好似无咩人打食评，最多就系介绍西餐。不过因为今晚食西餐既关系，所以最后决定lunch 食下泰国野😋。黎到银辉大厦唔见有呢间餐厅，以为执左。正想放弃之际原来佢就起转角位置。平日既梅窝感觉杳无人烟，入到去餐厅都系得一两台食客。呢度侍应既态度完全比我feel 到果份冷漠。Lunch 都几平，$45蚊包饮品。正当谂紧食乜之际，原来二点佢地落场，叫我地快快手order. 午市得套餐，无其他小食menu, 本身仲想叫下d 小食。✨椰汁冰：个杯感觉好残旧，不过椰汁味够浓，如果有珍多冰就好喇。✨泰式炒金边粉：金边粉有咬口，入边有豆腐，虾，蛋，d 花生碎劲幼细，加埋青柠味道唔错，好开胃。唯一唔like 系侧边d牙菜系生既连埋d 豆，所以我就无乜食。✨烧猪颈肉饭：d 饭都几多，猪颈肉有十几块。虽然偏瘦，但加埋个酱汁，酸酸辣辣好惹味。埋单$90,唔使加一仲有野饮，连咸柠七，龙眼冰果d 都有👍🏻真心系超抵同味道唔差。不过如果侍应可以亲切d,唔好表现出咁赶住收工既态度，会比我食得更开心。