象泰宴

营业中

休息中

象泰宴总括黎讲系一间性价比都高嘅泰式餐厅，经常都爆满人，有少量露天雅座，天气好嘅话喺室外坐都会几舒服。餐点碟碟都好大份，味道都可圈可点。咖哩软壳蟹面包有浓浓嘅椰香味，唔会太辣，厚厚嘅多士沾著咖哩食，十分唔错。去骨海南鸡嘅鸡肉同鸡皮十分之滑，冇住煮得过老。马拉盏肉碎炒通菜炒得有镬气，咸香辣味十足，十分之惹味。泰式明炉大蚬锅 算系一个偏酸嘅汤品，钟意食酸嘢嘅朋友可以试一试。个人最喜欢佢嘅菜品系蒜蓉面包，面包大大条 而且烤得好脆口，蒜蓉味十足，大大啖咁咬十分满足。