曼谷廚房工房 (已結業)

九龙湾工厦区有好多饭堂，但感觉都系颓食茶餐厅偏多，云云之中见到呢间泰国餐厅，抵食下午茶2点开始，餐牌上好多选择都吸引，最贵都只系$42！无骨元蹄饭 $36 碗饭其实都唔细，有几件猪手，皮几肥美，肉唔算多，但味道唔错，仲有半只卤水蛋，加埋酸菜同一条油菜，性价比算几高。无骨海南鸡油饭 $38 四件鸡加只鸡翼尖，我无试食到但望落都唔错，朋友都赞几好。呢个价钱配埋热饮，转冻饮加$6，泰式奶茶味道无平时咁甜，但都几好饮。