泰北風味

营业中

休息中

朋友带我去食晏，我先知条巷仔内有呢间泰式餐馆，入到去感觉座位唔算特别多，如果1点前入去，会系无咁多人，如果当出面细枱无位嘅时候，入面都仲有两张大枱，可以搭枱坐。睇完餐牌后，我哋叫咗个泰式清汤鸡丝金边粉$48、猪颈肉冬荫汤泰式河粉$60、冬荫功＋白饭$62，大约等5分钟就有得食啦，唔想食辣嘅我，拣咗清汤金边粉，食落清汤都几好味，鸡丝都算多，金边粉就更加多，就算一个男士食都会觉得饱，朋友叫嘅泰式河粉，最后都食唔哂，因为份量对女士嚟讲，又真系多咗少少，反而饭嘅份量就算系正常。总结：份量真系唔细，味道又好，卖相都唔错，价钱亦好合理，有机会我都会再去食多次。