亞萊嘜嘜 (已結業)

我好多时都会喺荃湾食埋饭先返工，虽然系一个人食饭，但都想揾间企理啲嘅餐厅，静静地食个饭，唔想去的太过逼夹嘅餐厅。最近就比我发现咗呢间亚莱唛唛，坐得舒服，又有卡位，对住条大马路，其实都几写意啊。呢间餐厅食左好几次，所以就将所有图摆埋喺同一篇文度出啦。如果你坐卡位嘅话，就会对住大马路，景观唔错架。猪手饭。上菜嘅时候真系吓咗一跳，猪手分量十分多，猪实有浓烈嘅卤水味，仲要炆得好腍，加上个卤水汁，真系忍唔住食晒成碟，佢仲配咗半只卤水蛋添。猪手下面亦都有啲酸菜，送饭一流。鸡扒叻沙汤面。鸡扒同汤面会分开上，值得一赞。鸡排又用腌料腌过，所以食落都几香，而且煎得唔错。叻沙都有少少椰香味，辣辣地几好味。泰式炒金边粉。酱料令到个金边粉酸辣辣咁样，食落都几开胃嘅，仲有啲芽菜，蛋碎，豆干，猪肉等等，系唔错嘅。