莎娃迪卡 (已結業)

成日食泰国野都喺九龙城，今次去佐敦同朋友揾野食，最后我地都拣咗泰国野食！入到去都几有泰国feel，好多象嘅摆设同装饰！食得泰国野一定要叫定野饮先，我就拣咗个大泰国椰青，味道又清又甜！正！解喝同解辣都一流！好钟意食佢地个香叶肉碎生菜包！将辣辣地嘅肉碎放入生菜包住黎食！肉碎越食越有味，真系食唔停口！拼盘最岩几个人分黎食，所以我地叫咗个有4样小食嘅泰式杂锦拼盘入面有炸虾饼、沙嗲串烧、春卷同木瓜沙律！佢仲分咗3样酱俾我地点，有个甜酸酱、酸梅酱同沙嗲酱！甜酸点春卷，酸梅点虾饼，沙嗲就点串烧！个炸虾饼好大旧好厚好弹牙！春卷个皮好薄，入面又好多料，如果有俾埋生菜包黎食仲好！串烧烧得好香，不是最正系佢个沙嗲酱！虽然唔辣但花生味够重！食泰国野最钟意叫明炉乌头，天气冻冻地食真系成个人都暖晒！乌头个汁酸酸地好开胃！入面仲有啲肉碎可以食！乌头啲肉唔嚡又够味，最后连酸菜都食晒！因为朋友唔食得辣，所以叫咗青咖哩牛，咖哩完全唔辣仲有啲甜添，个味好香好重椰奶味，因为食咖哩所以叫咗薄饼同蒜蓉包送薄饼同蒜蓉包我就钟意用薄饼点咖哩多啲，薄饼香得黎又唔会太浓味，所以用黎点咖哩香得黎又食到咖哩香！有朋友就钟意蒜蓉，因为又大件又