農民泰菜 (已結業)

咁岩喺沙田返工见到呢间餐厅，于是同朋友收工之后去咗试一试，结果系有惊喜地好食。蒜蓉包大大旧，几香口，可惜唔够热，有少少林左。原本见到佢好似大家乐咁样嘅营运模式，令到期望唔系太高，但系食咗猪颈肉一啖之后令我哋完全改观因为佢嘅猪颈肉同坊间食到嘅好唔同，佢除咗有炭烧嘅味道之外，仲有少少甜甜地嘅味道，食起上嚟好惹味，而且肉质嫩口又唔太肥，非常适合香港人嘅口味。至于红咖喱鸡肉，味道比市面嘅咖喱淡少少，唔会令到食材嘅原味都比咖哩掩盖晒。但份量较少，冇乜肉食。马拉盏炒通菜就系呢三道菜入面最浓味嘅，亦都系非常之惹味。个中涵养真系无与伦比，但系又唔会话太辣，令到眼水系咁标。整体其实都几扺食，可以一次过食到几碟唔同既泰菜！而且店舖都几受依区住户欢迎！可以再食！