真心泰國菜館 (已結業)

今日放假同朋友周围揾嘢食， 意外地喺朗豪坊隔离见到呢间泰国菜馆， 所以就走咗去试下， 竟然好有惊喜。生牛肉汤河汤底香浓， 牛肉嫩滑，最紧要系食完唔会觉得口渴， 如果想要多啲蒜头，可以同待应讲， 佢哋非常亲切。手撕鸡汤河之前都会担心d鸡肉会唔够嫩滑，黎到时好有惊喜， 鸡肉又嫩河粉又滑， 仲有好多炸蒜片，令我非常满足。烧猪颈肉外脆内嫩，非常juicy，一份唔够我地3个分，食完仲想加多1碟， 猪颈肉同鱼露， 真系天作之合。炸虾饼属必食之选， 外脆又够厚身啖啖虾肉， 最紧要系新鲜热辣， 无可抗拒。红枣茶一般情况我好少会叫红枣茶饮，但跟餐只系加5蚊，值得一试，不会太甜，浓度适中。下次出开旺角，一定会试埋其他食物。