金三角

营业中

休息中

呢间新开嘅泰国菜小店由泰国人主理，口味正宗之余价钱又唔贵。🍛拍靓咖哩海鲜$78拍靓咖哩（Phanaeng / พะแนง）系一种偏甜嘅红咖喱。食落椰汁味颇重，口感香滑，一啲都唔辣。味道似黄咖哩，但因为落咗花生，所以比黄咖哩甜，咸度都低少少。🥠蒜蓉包$25烘过嘅蒜蓉包口感香脆。蒜蓉味香浓，净食都好好味。配咖喱都一流。🌶冬阴海鲜汤（小）$78估唔到细碗已经够两个人饮。汤头浓郁，酸度颇高。冬阴功汤有大量虾球、鱿鱼同埋秀珍菇。🥥龙眼冰$25清甜解渴，龙眼肉份量多之余仲好大粒。🥭芒果糯米饭$50芒果新鲜香甜。椰浆份量够多，啖啖都系椰糖香味。