天泰泰式海南雞外賣專門店 (已結業)

跟妈咪黎新北江觅食，太多选择，就择返第一间见嘅天泰。海南鸡滑，冇特登转鸡髀都滑，啖啖肉，份量都多。本身调味够，冇雪肉味，唔点酱油食食返清新啲。由于冇晒白饭，全部都转油饭，包括我嘅青咖喱猪颈肉。可惜油饭鸡又未唔突出。青咖喱小小辣，质感比较稀，由于油饭味道唔出，所以青咖喱𩠌饭都okay。猪颈肉一般，如果有烧过一定更加好。主食包饮品，青柠水解渴/热一流。三人三个主菜再加小食同沙律。小食拼盘有扎肉、虾饼、春卷同鱼饼。个人最钟意系虾饼，爽口弹牙，而妈咪就钟意春卷。我觉得春卷皮略厚，影响脆卜卜嘅口感。鱼饼就一般般，有啲实。木瓜沙律酸度刚刚好，食落清新，不禁一口接一口。木瓜丝较生，食落有口感。原本未揾到呢间嘅openrice，冇谂住打食评，所以冇影相。现附送Menu相。