阿來泰式地道風味

营业中

休息中

餐厅位于旺角，主打多款性价比高嘅泰国料理，肉类海鲜粉面饭甜点都饮品都有供应，唔想烦嘅仲有套餐可以拣。餐厅分上下两层，店员服务态度有礼，上菜速度快且热辣辣，经过可以一试。二人套餐包括海南鸡、咖喱炒蚬、通菜、白饭/油饭同饮品。海南鸡肉质嫩滑，皮带啫喱状，咬落好滋味。超级喜欢呢度嘅咖喱，惹味唔辣，点蒜茸包真系好正，蚬肉大粒饱满，赞。菜品可以自行选择炒嘅方法，个人更推介马来盏，通菜同椰菜苗都够新鲜而且完全无渣。主食有菠萝炒饭同金边粉，前者炒至粒粒分明，味道偏清淡带淡淡香气，后者配料唔少，口感丰富。