影片
更多
2014-08-13
4314 浏览
系太古做左差不多一年野, thai pepper系几个月前同事想食带我去既, 点知话fully booked就食唔到喇... 事隔多月, 今个星期终于再尝试! 当然今次我早一日已经打定去订枱, 点知佢话好爆喇, 问我可唔可以早d例如12点, 我梗系话无问题啦! 侍应想要返张枱但又唔想催客人, 不过无所谓, 1个钟够食啦!]3个女人去食, 点左2个主菜之后, 原本想叫多个, 但侍应提议我地叫其他小食, 因为主菜份量都唔少怕我地食唔晒... 结果我地倾左一阵都系加左个主菜, 因为我想试椰子炒饭!黎食泰国野当然要试phad thai啦! 炒得几香下架, 而且食落甜甜地~ 唯一失望既系无虾系入面, 反而有一种好似鱼蛋既配料, 都几弹牙跟住就到我想试既椰子炒饭! 平时见波萝装饭见得多, 都系第一次见用椰青! 饭仲要堆到成座山咁高, 开始有d担心食唔晒喇 虽然呢个炒饭就唔系香喷喷个种, 不过我就中意淡淡椰香味喇~ 入面仲有D花生, 肉粒, 提子... 重点系有椰肉, 就系饮椰青入面个只椰肉! 熟左既椰肉仍然系爽爽的甜甜的! 另一个泰国餐重点当然系冬阴公! 我地3个人只系叫左一碗细既黎过
系太古做左差不多一年野, thai pepper系几个月前同事想食带我去既, 点知话fully booked就食唔到喇... 事隔多月, 今个星期终于再尝试! 当然今次我早一日已经打定去订枱, 点知佢话好爆喇, 问我可唔可以早d例如12点, 我梗系话无问题啦! [题外话, 佢原本有问我1点可唔可以比返张枱佢, 跟住自己又话知道呢个要求过份左, 唔紧要, 都系帮我留左12点枱先~ 我都系第1次听到有侍应想要返张枱但又唔想催客人, 不过无所谓, 1个钟够食啦!]3个女人去食, 点左2个主菜之后, 原本想叫多个, 但侍应提议我地叫其他小食, 因为主菜份量都唔少怕我地食唔晒... 结果我地倾左一阵都系加左个主菜, 因为我想试椰子炒饭!
黎食泰国野当然要试phad thai啦! 炒得几香下架, 而且食落甜甜地~ 唯一失望既系无虾系入面, 反而有一种好似鱼蛋既配料, 都几弹牙
跟住就到我想试既椰子炒饭! 平时见波萝装饭见得多, 都系第一次见用椰青! 饭仲要堆到成座山咁高, 开始有d担心食唔晒喇 虽然呢个炒饭就唔系香喷喷个种, 不过我就中意淡淡椰香味喇~ 入面仲有D花生, 肉粒, 提子... 重点系有椰肉, 就系饮椰青入面个只椰肉! 熟左既椰肉仍然系爽爽的甜甜的!
另一个泰国餐重点当然系冬阴公! 我地3个人只系叫左一碗细既黎过下口瘾~ 其实碗汤一上枱已经有阵酸辣味传入鼻腔, 可以感受到味道之浓烈! 饮落的确系又酸又辣, 辣味仲留左系喉咙翻滚住, 饮2-3啖就要停一停食下野先~ 汤入面仲有D菇同虾, 都几正宗
最后就系食呢个免治牛肉炒河, 落单个时侍应仲提我地呢个比较多汁, 小朋友会中意食多D, 不过黎到卖相都唔错㖞! 虽然系免治牛, 但都好鬼烟韧, 食得好过瘾~ 加上河粉好大块, 好有趣! 不过河粉比较油, 连埋D汁食就几济!其实我地几后悔无听侍应既忠告3个女人系食唔晒架! 但又唔想浪费食物, 所以最后我食到好饱, 要去行下消化一大轮先继续做野 但我地食到咁饱都系每人$100, 加埋呢度既服务, 都算差不多, 几抵食! 下次真系要试下其他小食先得!
题外话/补充资料：
黎呢度食lunch最好先早2-3日book枱, 12点几walk-in成功既机会较少, 因为佢唔希望你食得赶而佢又要留枱比1点既客人~
(以上食记乃用户个人意见 , 并不代表OpenRice之观点。)
张贴
