蝦蝦燒

营业中

休息中

好耐无黎过呢间任食bbq,而家巿道依然唔旺，星期六下午去到，全场4，5枱客，所以我都决定出post支持下，希望呢间做得住。先讲重点既大头虾，自己活捉放入冰桶，等佢晕咗就可以烧。 只只新鲜，爽口弹牙，而烧既过程，自己落调味粉，有粗盐，椒盐，辣椒粉，同孜然粉。 出面亦可攞蒜蓉，葱，豉油，牛油等。除咗虾，海鲜吧都有好多选择，例如鲍鱼，扇贝，带子，生蚝，几款海鱼，鱿鱼，蚬。食完海鲜，去攞串烧都好正，除咗有大路既肉类外，猪大肠，咖哩鱿鱼，菠萝等都好吸引，其实每样食一次都好足够。一次性既有每人一串既鳗鱼。老实讲，我系唔食鳗鱼，但佢腌得好好味，所以我食到。可想而知都系几好味。 而太肚饿既话，可以出去吧枱攞住啲烧虾食下，仲有其他小食。环境方面十分干净企理，饮品种类亦多，啤酒都3，4款，有青岛，有泰国象啤。埋单有8折，340蚊一位落楼。 见而家咁既生意额，真系希望大家多啲本地消费啦。