影片
更多
2017-08-31
324 浏览
好少黎新蒲岗，今次过黎做野顺便食埋野先走。揾到呢间食海鲜粥底火锅几特别就试下啦。店舖唔算大，不过装修都几特别，一个个锅系个墙到。呢间餐厅唔系任食，$198一位 ，包7种海鲜，6个自选配料，3个时蔬，最后会加粥胆帮你煮粥。佢系按人比份量，如果惊唔够都可以另外加钱加配料。不过$198就唔包饮品，亦唔可以自己带饮品去。一坐底佢就已经放左个粥水锅系到喇，之后就拎左一个海鲜塔出黎，店员帮我地放左d 海鲜入去，有个计时器，一够钟就可以拎起喇。佢亦都有张指示比你睇住时间，包保唔会熟过头。贵妃蚌最快，30秒食得，个汤底系粥水所以完全唔影响海鲜嘅鲜味，食落去劲清甜，一啲都唔腥👍🏻之后就系鲍鱼同虾。鲍鱼size 都几大只，成只匙羹咁大，又系3分钟岩岩好，唔会太硬，好易咬开，咩野都唔洗落都好好食，食得出佢地嘅海鲜系好新鲜。蟹要放最长时间，10分钟，个粥水汤底就开始变淡橙色，变成海鲜汤。蚬同沙白系一d沙都冇，粒粒都开口冇死蚬，而蟹亦都系肉蟹，只只脚都好厚肉，未试过系街咁比心机剥蟹😂餐厅食材真系拣得好。食完晒海鲜，就会上之前拣定左火锅配料。肥牛系手切肥牛所以要等耐少少，另外黑毛猪肉都系肥瘦均衡，睇落都好靓。我见
呢间餐厅唔系任食，$198一位 ，包7种海鲜，6个自选配料，3个时蔬，最后会加粥胆帮你煮粥。佢系按人比份量，如果惊唔够都可以另外加钱加配料。
不过$198就唔包饮品，亦唔可以自己带饮品去。
一坐底佢就已经放左个粥水锅系到喇，之后就拎左一个海鲜塔出黎，店员帮我地放左d 海鲜入去，有个计时器，一够钟就可以拎起喇。佢亦都有张指示比你睇住时间，包保唔会熟过头。
贵妃蚌最快，30秒食得，个汤底系粥水所以完全唔影响海鲜嘅鲜味，食落去劲清甜，一啲都唔腥👍🏻之后就系鲍鱼同虾。鲍鱼size 都几大只，成只匙羹咁大，又系3分钟岩岩好，唔会太硬，好易咬开，咩野都唔洗落都好好食，食得出佢地嘅海鲜系好新鲜。蟹要放最长时间，10分钟，个粥水汤底就开始变淡橙色，变成海鲜汤。蚬同沙白系一d沙都冇，粒粒都开口冇死蚬，而蟹亦都系肉蟹，只只脚都好厚肉，未试过系街咁比心机剥蟹😂餐厅食材真系拣得好。
海鲜类
32 浏览
0 赞好
0 留言
食完晒海鲜，就会上之前拣定左火锅配料。肥牛系手切肥牛所以要等耐少少，另外黑毛猪肉都系肥瘦均衡，睇落都好靓。我见到有花胶即刻点左，之后就叫埋墨鱼滑，响铃。全部点晒有👍🏻推介配料😊
火锅配料
29 浏览
0 赞好
0 留言
一上菜店员就即刻帮我地落左花胶先，话要煮耐少少先会林，影唔到个份量，不过之后我地食极都仲有，应该系比左好多花胶😍肥牛切得好靓，肥瘦比例啱啱好，用清甜海鲜汤煮原来好食过出面打边炉劲浓味汤底。猪肉切得薄身，快d煮，又唔会老左。墨鱼滑亦有小量墨鱼粒好有咬口好弹牙。重点d菜吸晒海鲜汤鲜味，超级鲜甜👍🏻
最后打完边炉店员就帮我地煮粥喇。佢有好多种配菜比你拣，我地就净系唔落芫荽。个粥胆劲大碗，劲惊食唔晒。
海鲜粥
14 浏览
0 赞好
0 留言
我地2个人一人有2碗半，其实太多，不过因为太好食所以都食晒。我声隔离台系可以带走。佢将全晚食材嘅精粹都吸晒，好似系用珍珠米做粥胆，加埋菜脯、冬菜、猪油渣，成个粥有口感之余亦都好鲜甜。重点系我地落左咁多海鲜，一块碎壳一粒沙都食唔到，好神奇啊😱
最后仲要有粒雪米糍做甜品，真系好满粥😂
张贴
