華都海鮮酒家

营业中

休息中

好少走到入东涌食饭，有朋友介绍入去食海鲜，仲讲到又平又正，而且仲唔止海鲜好食，小菜一样掂，咁又怎能唔去试呢~~趁住有朋友生日，一行五人走入去食，搭地铁去到东涌地铁站外，在红色的士站隔离等专车接送到东涌码头，就有一间叫新华都海鲜酒家。门口只有个小小嘅地方摆咗大约十款海鲜，我哋去到就已经急不及待拣啦~~陈皮蒸鲍鱼 ~ 大约有汽水罐面大，都只系$26一只，落咗小小陈皮，有小小辟味之余唔会抢鲍鱼嘅鲜同甜味，鲍鱼好新鲜好好蒜蓉粉丝蒸扇贝 ~ size 细鲍鱼小小，$22一只，落咗好多蒜头同粉丝，望落去唔太够色，但食落去好够味，而且个汁茨份量刚刚好，食完唔会有好多汁椒盐濑尿虾 ~ 肉都几甜同新鲜，但无乜肉同略嫌贵清蒸肉蟹 ~ 比较普通，都算鲜味，好后悔无听侍应介绍用羗葱炒，应该会仲正豉椒炒蚬 ~ 份量足，好有镬气，豉椒味香浓，唔会壳多过肉，又系个茨汁埋得啱啱好东风螺 ~ 酒煮，酒味适中，肉爽味鲜，但贵羗葱蚝 ~ 超水准之作！味道调教得好好，最最最正系个汁，可以炒完后汁包著蚝，食完只碟无汁……我觉得真系好好好好好得，我会为佢而再帮衬至于小菜叫咗几款，生炒骨系必选，味道有别于出面，但个汁同茨又系好正