華都海鮮酒家

营业中

休息中

今日和朋友前往大嶼山行山，行山後想食一餐好嘅，於是選擇了這一間位於舊碼頭的海鮮酒家。順便提早慶祝新年。餐廳有多款中菜供選擇，還有很多時令海鮮。餐廳有分室內座位和室外座位，室外座位更設有暖氣，可以望着海邊進食。 最後我們叫了以下食品。1.節瓜蝦米粉絲煲（$78 ）非常清甜的湯底，配上爽口的節瓜，和鹹香的蝦米，還有我最愛的粉絲，每一條粉絲都充滿了清甜的湯底。2.香煎蓮藕餅（$88）香煎蓮藕餅的份量非常多，煎得外脆內軟，且帶有少少蓮藕粒嘅口感，和香口的豬肉。3.白灼花螺（$90/半斤）半斤的花螺不能選擇辣酒煮，我們只能選擇白灼花螺，爽口。4.蒜蓉粉絲蒸元貝（$68/隻）未見過原本是那麼大隻的，非常大大的一隻爽口彈牙元貝，還鋪滿了滿滿的蒜蓉及粉絲。5.椒鹽瀨尿蝦（$260/隻）第一次見這一隻大大隻的瀨尿蝦，足足長一隻手臂嘅距離。瀨尿蝦生猛，且爽口，配上椒鹽，非常惹味。6.滑雞臘腸煲仔飯（ $128 ）我們不想吃臘味煲，於是詢問了可不可以轉其他煲仔飯，餐廳職員友善地回答。最後選擇了滑雞臘腸煲，滿滿的臘腸，還配上了香滑的雞，帶有飯焦。

🐑豉椒蜆，部分有沙，豉汁可以再惹味啲🐑椒鹽鮮魷有料到，炸得好脆夠乾身，絕對唔會油，而且新鮮👍🏻🐑鹽焗奄仔蟹，好爆膏，肉好鮮，鹽焗處理好好，非常香🐑鹽焗雞，半隻，細細隻，係騸雞，肉嫩多汁，外皮好香鹽焗香🐑梅菜扣肉，肥嘅程度高，肥嘅部分入口即化，就連瘦嘅部分都好夠腍，肉唔柴，汁好好味，甜梅菜加咗少許生抽炒過先炆，鹹甜俱備，墊底嘅菜心，吸收晒整個梅菜扣肉嘅精華，菜心原來係最正🐑蒜蓉粉絲蟶子，新鮮就是王道🐑薑蔥鮑魚煲，南非鮑大大隻，清蒸太冇特色，用薑蔥爆、煲仔上係最香嘅選擇🐑椒絲腐乳通菜，今日唔夠腐乳

位於馬灣通村的「華都海鮮酒家」是區內人氣旺盛的海鮮酒家，地方大適合朋友商務聚會🎈。昔日此地滿佈漁船，是漁民集中地，海鮮新鮮程度更可想而知，除咗鑊氣十足中菜、近廣為人知其新鮮海鮮！貨源十足，即日漁獲，保證新鮮。糖醋魚塊：酸甜可口，外酥內嫩，開胃不膩，魚塊裹粉炸至金黃，外皮酥脆，內里肉質鮮嫩，口感層次豐富。用上懷舊烹調手法，加入帶來清新的果香，既增添了風味，又慢平衡了油膩感。豉油皇煎蝦碌：精挑細選蝦，鮮美的蝦肉和濃郁的豉油香氣十足，蝦肉本身帶有天然的甜味，經過煎制後，鮮味更加濃郁。豉油皇增添了咸鮮的底色，同時豉油的香氣與蝦的鮮味完美融合。外殼微微焦脆，內里的蝦肉卻依然保持嫩滑多汁，外殼脆到可以食埋落肚。椒鹽鮮魷：外皮經過油炸後金黃酥脆，內里的魷魚則保持鮮嫩多汁。椒鹽的咸香與蒜末、蔥花的香氣融合，帶來豐富的層次感，咸鮮適中，魷魚爽彈十分新鮮。黑椒蜜汁薯仔炒牛肉：咸甜微辣，層次豐富，黑胡椒的辛辣香氣是這道菜的核心，帶來微微的刺激感，開胃又提味。蜜汁的甜潤為菜餚增添了一絲甜味，與黑椒的辛辣形成對比，平衡了整體的味道。牛肉的鮮嫩口感嫩滑，吸收了黑椒和蜜汁的香味，鮮香十足。薯仔的軟糯，外脆內軟，吸收

食海鮮不止去布袋澳！在東涌的舊碼頭邊，也隱藏著一家值得一試的「華都海鮮酒家」！這裡的環境十分宜人，戶外用餐區設有暖爐火，讓人享用美食同時，也能感受到溫暖氛圍。餐廳更提供在東涌範圍內的接送服務，方便顧客輕鬆抵達。最重要是食品質素很高，教人回味！首先我們點了半斤白灼海蝦！這道菜以新鮮的海蝦為主角，簡單的白灼工藝突出海蝦的鮮甜。蝦肉緊實，口感滑嫩，搭配特製的醬油蘸料，讓人不禁一口接一口，令人陶醉。我們又點了辣酒煮螺！這道辣酒煮螺不僅色香味俱全，還帶著微微的辣味，酒香四溢。螺肉鮮嫩彈牙，每一口都充滿海味，令人回味無窮。而椒鹽九肚魚的味道更是令人驚豔。九肚魚的肉質非常鮮嫩，經過椒鹽的調味後更是提升整體風味。這裏的九肚魚選材講究，魚身飽滿，絕對不是粉狀，每一口都能感受到新鮮的味道，令人滿足。漁村小炒絕對不容忽視！蝦仁、魷魚乾、西芹等食材搭配得恰到好處，炒得香氣四溢。每一口都有不同的口感層次，鮮味與脆嫩相結合，十分惹味。舊碼頭邊的這家海鮮餐廳，新鮮的海鮮搭配獨特的烹調方式，讓每道菜都充滿驚喜。無論是家庭聚餐還是好友聚會，這裡都是不錯的選擇。記得提前預約接送服務，讓你的用餐體驗更加便捷。華都海鮮酒家

歷史悠久的海鮮餐館位於馬灣涌站，大嶼山的景色盡收眼簾，環境優美，感覺幾chill。冬天室外仲會開暖爐，室外都不會話好涷椒鹽鮮魷一上枱時，鮮魷熱辣辣，外脆內嫩，少少嘅椒鹽粉調味，增加風味。果皮蒸鮑魚簡單用果皮蒸，最能食到鮑魚嘅鮮味嘅同時食到果皮的甘香。豉椒炒蜆、蟶子大蜆同蟶子都適合用豉椒炒，蜆肉肥美蟶子爽彈，配搭豉椒香辣惹味，有大排檔嘅風味。豉油王大蝦大蝦肉質鮮甜，蝦殼充滿豉油嘅鹹香蒜蓉粉絲蒸扇貝扇貝大大粒，飽滿厚肉，厚身得來夠鮮甜，蒜蓉粉絲吸收曬扇貝嘅精華，美味可口。

騎行摩托之游山玩水之旅。 三人騎行途經, 沒有點海鮮餐, 只散叫了炒粉麵, 有例湯送.。周邊有停車位, 合很多行山或摩托人仕。星期日中午還有碟頭飯$45連汽水或餐湯，我們點了京都骨，排骨炒河，乾燒伊麵，又好味喎，個番茄湯都唔錯。至少食完唔會太口乾. 環境有點像西貢食海鮮。在餐廳後有條村,  行行逛逛又一日

華都海鮮酒家位置比較偏遠，可以揸車前往哩間酒家喺正東涌舊碼頭，可以360度睇住個海食飯，幾特別，聽講喺度仲可以睇日落-------------------------瀨尿蝦 $360Size 幾大隻，有成隻手掌咁大椒鹽炒得夠香口，惹味瀨尿蝦夠新鮮，好鮮甜肉質嫩滑柔軟而有彈性，好食白灼鮮蝦 (半斤) $160食新鮮嘅蝦最鍾意就係簡單白灼食到鮮蝦原汁原味大隻，肉質爽口彈牙蝦膏甘甜炒麵 $58正常，有鑊氣有附上辣椒醬金銀蛋浸白菜仔 $78白菜仔大棵，鮮甜係有雪花喺表面嘅皮蛋，好味 👍-------------------------整體嚟講都好食，環境地道唯一非常不滿就係落單前已經話問吓價錢先，點知店員直接落單而冇同我哋講返價錢，而價錢就真係海鮮價好采海鮮都叫新鮮，都大隻，如果嚟哩度食海鮮就要諗清楚而其他普通小菜價錢正常華都海鮮酒家地址🎈東涌舊碼頭2號

又有朋友帶我去食好西啦！🤩除咗有好嘢食，仲有靚風景。好有特色😍😍邊食嘢邊有陣陣海風吹埋嚟🤩🤩地點就有啲偏遠🙈東涌華都海鮮酒家，我都唔識自己去係朋友揸車入去嘅😝事不宜遲😊講吓啲食物先😋由於餐牌選擇太多，只係可以影到部份俾大家睇😝😝重點係會有隱藏食物🤩🤩咩係隱藏食物就係餐牌裏面冇但係你都可以叫嘅食物😆😆點解我知😌因為呢個以前係我朋友嘅飯堂😉佢嘅推薦係枝竹火腩炒麵🍲我哋當然有叫啦😋咁就介紹吓比大家啦枝竹火腩炒麵分量大，枝竹火腩一啲都唔小，而且味道都好好，多汁得來個面都唔會淋😋😋而且超級脆！！果然係推介👍🏽👍🏽👍🏽豉椒炒蜆夠鑊氣，配菜清甜，蜆肉冇砂👍🏽👍🏽椒鹽九肚，椒鹽鮮尤冇咩特別正常嘢🤪台式蠔仔蛋我個人就麻麻哋😝但朋友就話好味😋一心以為佢係豪餅咁嘅樣，點知原來係蛋餅🙈味道唔係差嘅，如果蠔仔可以多啲就好啦😅總括嚟講呢間餐廳係好有特色嘅，餐牌上邊海鮮嘅時價，其實係一入門口可以自己揀海鮮🦞價錢就一定冇出邊咁平，但如果你唔係叫指定嘅海鮮其實都可以係好平就食得到👍🏽所以都算係豐儉由人😉

今日同朋友去完大澳出返東涌搵嘢食，朋友就介紹我哋過嚟東涌碼頭呢邊睇住日落食飯嘅大排檔，估唔到呢個位可以睇到咁靚嘅日落！真係加分唔少！我哋叫咗豉椒炒蜆、魚肚浸勝瓜、魚香茄子煲、小炒王、椒鹽九肚魚、咕嚕肉、豉油王炒麵及豉椒炒鵝腸！黎大排檔當然唔少得啤啤佢豉椒炒蜆冇沙味道尚可！魚香茄子感覺唔夠咸魚香味！小炒皇，豉椒炒鵝腸及椒鹽九肚魚送酒一流！魚肚浸勝瓜好食，鍾意勝瓜唔會煮得好淋有口感！豉油王炒麵加埋佢個辣椒醬一齊食算唔錯！總結食物質素有待改進，如果食小菜價格相宜、海鮮除外😬不過成班朋友聚埋一齊已經好開心，係呢度仲可以見到咁靚嘅日落.為呢個假期畫上完美句號！

好耐之前嚟過華都, 已經好喜歡呢間餐廳, 除咗食物之外, 餐廳附近嘅環境都非常重要。 我最喜歡佢嘅地方就係喺海邊食飯 , 欣賞黃昏一流, 我同朋友仔點咗兩個餸, 一個係豪仔炒蛋, 另外一個係菠蘿咕嚕肉。 反而我哋有冇特別嗌海鮮食 , 因為我哋主要來係欣賞呢度嘅景色 , 蠔餅方面大大碟, 蠔仔份量亦都唔少, 而且唔會太油 , 食完之後都唔會有好飽嘅感覺 , 至於菠蘿咕嚕肉方面…就同出面嘅小菜差唔多 , 但因為配合一個非常好嘅環境 , 食落去特別好味 , 再加上叫多兩支啤酒 , 喺呢啲環境之下非常之 chill, 我一定會再來第三次…哈哈！

今日入東涌踩單車，原本諗住入飛機維修埸欣賞日落，但由於時間不夠，所以就在馬灣涌村地方逛逛，順便等日落時間，然後發現「華都海鮮酒家」可以邊食邊欣賞日落....於是就來一個Early Lunch 😜「華都海鮮酒家」有海鮮也有小菜，但海鮮有啲貴，所以決定吃小菜！座位全部在室外，每座也可以欣賞日落，和海景，情侶，或三五知己也很適合今晚試了不少小菜，有黃金魷魚，椒鹽九肚魚，茄子煲，苦瓜炒蛋，豉椒炒蜆和楊洲炒飯...小菜很不錯，夠鑊氣，調味適中，豉椒炒蜆，蜆肉肥美，亦很惹味！下次可以再試👍🏻溫馨提示，華都有專車在東涌地鐵站接送服務，是免費👍🏻

在 網上找到這間在東涌的海鮮酒家，一家老小開車前往，在東涌舊碼頭，可以看到飛機降落，天氣好也有機會看到日落。食物方面，如果食小菜，價錢尚算合理，但如果食海鲜便很貴，上星期點了一隻蟹盛惠 $600，一條大约 12両小石班盛惠 $500. 味道徧咸，地方尚算衛生。

華都海鮮酒家位於東涌舊碼頭，位置較偏僻，但它們在東涌港鐵站對出有提供免費接駁車直接載客人到酒家，吃完飯亦可以搭接駁車回港鐵站，所以亦非常方便。想要吃平價好吃的海鮮，這裡是一個不錯的選擇。酒家設有室內及室外的座位，在室外可以一邊吃飯，一邊吹吹海風，欣賞海邊景色。而我們則選擇室內就坐，雖然酒家地方環境較破舊，但尚算乾淨，而且職員服務態度很好，很友善，抵讚！餐廳門口擺放了很多生猛海鮮可以供客人選擇，難得來到海鮮酒家，我們全部幾乎都是點海鮮。忘記這是甚麼魚，但蒸煮時的時間控制非常好，不會把魚蒸得太老，肉質鮮嫩，而且魚鱗清理得非常乾淨，讚！這晚最好吃的海鮮，扇貝大大隻，用蒜蓉粉絲清蒸最是適合，不會因為調味太濃而搶了扇貝的鮮味。這碟蒜蓉清蒸開邊大蝦最適合像我這般喜歡吃海鮮，但害怕麻煩，不喜歡剝殼的人。蝦子非常彈牙，蝦肉很實，不會感覺不新鮮。 重點是開邊後蝦肉一拉就可以完全跟蝦殼分開，完全不用用手剝殼，用筷子跟湯匙輔助，一下子就可以拉出蝦肉。豉椒炒蟶子，蟶子肉非常彈牙，但我們沒有叫飯，用豉椒炒便略嫌太鹹，如果有叫飯的話下飯絕對一流！ 炒蜆亦非常新鮮，不過比起其他幾樣海鮮就相對普通，稍微失色，跟蟶子一

住係東涌咁多年，聽聞呢間大排檔頗出名，同屋企人嚟做冬，點知失望而回。叫咗兩隻兩斤幾嘅蟹，一斤收費$240，結果食落根本唔係新鮮蟹，懷疑俾人換左都死無對證。馳名的生炒骨，食落不見得出色，同自己煮冇咩分別。羊腩煲炆嘅時間唔夠長，羊腩皮和羊腩肉靱到咬唔開。菜心有苦味。唯一尚算可以的係豉椒炒蜆。以後肯定唔會再幫襯！

東涌真系好多好嘢食, 今晚的華都就是面向如此美景, 先決條件係你要耐熱, 最近己是 2年前秋天來吃, 坐在堤壩上....吹住海風, 對住這個美麗的海灣吃晚飯, 你都咪話唔盞鬼。今天天時暑熱, 仲洗講, 就梗系入室內歎住冷氣食啦。海鮮幾貴下, 只揀了一樣海鮮, 大花甲一斤。豉椒花甲（$80/斤）夠香夠火喉, 花甲肉厚, 新鮮肥美。上湯魚肚浸勝瓜份量多, 魚肚也不少, 上湯較清, 不死鹹, 很不錯。梅菜扣肉見到個汁同扣肉下有黃牙白放底, 我同朋友對望.....O咗嘴, 未食過用蔬菜放底嘅梅菜扣肉囉, 通常都系用梅菜盛住扣肉, 一試, 完全不是這回事, 個汁好似系獻汁淋上去, 好獻吓, 味道又寡, 肉又嚡, 難食。豉椒苦瓜又系勝在鑊氣夠, 豉味好香, 苦瓜炒得爽脆惹味, 好食。豬仔脾醃好炸過的豬仔髀, 再用辣椒、洋蔥和蔥段回鑊, 黑胡椒落得好重手, 炒得香辣惹味, 豬仔髀肉質也不硬不嚡口。黎華都晚飯, 好似我地咁嫌海鮮貴的話, 最好就食佢哋啲鑊氣小炒, 比較有水準, 例如椒鹽鮮魷.....我地見隔離台碟椒鹽鮮魷樣子好鬼正, 又大碟。