正品小館 (已結業)

今日约左朋友系九龙公园游水，游完水之后就梗系要揾餐厅医肚。行下行下就到佐敦，系门口经过见到入面都几多人，价钱好抵，就入左去试。餐厅装修贴地，地方干净阔落。有块板写晒是日推荐同价钱，明码实价！豉油皇茄子。个茄子上枱就闻到好香，上枱份量都几多。望落去似炸蕃薯咁啡黄色，入口好有惊喜！个茄子外脆内软，表面有层好簿嘅炸粉，入面嘅茄子好软，好好味。原味蒸石蚝。个蚝好抵食！$88 10只蚝仲要连壳！出面边到食到！生蚝好新鲜，蒸完仲系胀卜卜好大只，好甘甜。豉椒炒花甲。花甲好重手，好多配料。花甲入口微辣，只只都厚肉，洗得好干净无沙，司傅好有获气！肉蟹粥。$68一大碗粥，有成只蟹系入面，超足料！个蟹粥好鲜味，粥底好绵，两个人share一碗都食唔晒。仲好贴心咁帮你整开左d壳，可以成旧肉起出黎，好鲜味。