金牌源記 (已結業)

近排钟意食蒸海鲜或者海鲜火锅，荃湾呢一大其实有好多餐厅，价钱合理嘅小店😎金牌源记系近期新开嘅餐厅，装修比较简单，似茶餐厅风格，主打蒸海鲜🦐蒸海鲜套餐$288一位，价钱经济🤗套餐包是日炖汤，炖汤热辣辣，一盅盅，入面都几足料，有虫草花、排骨，饮落够甜，几滋润。当饮紧个汤嘅时候就开始蒸海鲜，龙虾面上面有好多蒜蓉级粉丝，而且都几大只。之后有我钟意食嘅鲍鱼，面上面有果皮，而且鲍鱼已一早起肉，非常方便☺️拣咗豉汁蒸大鳝，仲有海虾🦐虾好爽口，大只够甜😋鱼方面有花尾龙趸，厚肉， 但鱼肉唔够结实。接著有蒸大蚬、 菜心、蒸蛏子皇、 扇贝 😉 我钟意食蛏子皇，因为够甜好新鲜。 再食埋鱿鱼筒，辣辣地🌶️ 最后以荷叶蒸蟹饭作结， 蟹肉爽口鲜甜🦀呢个好味呀😋