Have A Date (已搬遷) 新店位置

今日行开呢边，就同男朋友揾下有咩食，虽然都系湾仔，不过好少嚟呢边食嘢。见到呢间餐厅好似几多人食，价钱都算几平，就吸引左我哋去食啦。我今次终于记得影menu，款式话多唔多话少唔少。最后我拣左鸡翼辛辣面，佢个辛辣面煮得几好食。面嘅质感偏硬但又唔生，唔会好似平时食嘅好腍。鸡翼都煎得好香，一咬落去仲有啲肉汁同埋好嫩滑。男朋友点嘅瑞士汁炒牛河就比较普通，唔会觉得特别好食，河粉略嫌炒得过腍，相比之下辛辣面比较好味。呢个红豆冰本身系我点嘅，不过我嫌佢嘅奶味太重，所以最后我男朋友饮左，佢就话好好饮。除左奶味有啲过重之外，佢嘅红豆煮得好好食，好腍好粉。整体而言，如果我系附近工作应该会成日去食，因为都性价比都几高。不过又不至于会推介到刻意到湾仔食。