潮菜廳 (已結業)

铜锣湾要揾啖认真唔易, 大多数都系连锁食肆, 工厂式出品感觉我兴趣不大. 假日更加严重, 好食难食都排一大餐, 所以我多数揾周边食肆, 今次就推介呢间潮州菜.晚市套餐种类多又唔贵, 如果人少少, 百零两百蚊又冻蟹又潮式卥拼又足料靓汤, 我觉得非常超值. 最紧要食材新鲜, 同煮得好食...上次食果个二人餐, 有一只细size既冻花蟹同冰镇鲍鱼, 当然同大花蟹冇得俾啦. 不过冻蟹做头盘都唔错, 鲍鱼好鲜味, 之后就黎个卥水拼盘. 正常有鹅有猪肉又有豆腐. 跟住再黎几个小菜, 最特色就系肉饼.  食到尾仲有饭, 总之份量一定够哂食. 而甜品 马拉糕同红枣糕都系必食~~