海港燒鵝海鮮酒家 (已結業)

早几日同朋友聚旧，出旺角打边炉，愿本谂住去稻香，但朋友话要去金鸡广场间海港，皆因佢帮衬开荃湾o个间，觉得又抵食又好食，所以一齐试试旺角新店。其中一人要八点几先到，所以我地食九点特价火锅，由于早攞飞，里面又有枱，职员八点九就俾我地入去。我一攞起手就谂住剔鸳鸯锅，好彩朋友制止住我，原来每晚特价时段都有两款$1汤底，我地拣o左冬瓜猪骨汤，另外火锅配料大部份都系$12，我地要o左：水饺拼云吞、虾丸拼墨丸、金菇、本地肥牛、鱼腐、鲜支竹(仲有一样唔记得)，再加两碟$18o既带子片同花胶筒，另外见枱枱都有烧鹅，梗系要碟例牌再加碟烧肉，终于四个人就叫o左九碟火锅配料加两碟烧味喇，大部份o既食物都唔错，其中以$12蚊一碟o既手打虾丸拼墨丸最抵食，花胶筒o系出面好少见，最o岩女士养颜，招牌货烧鹅亦有水准。四个人冇特别嗌o野饮，饱到食净o野，都系位位$70，唔怪得全场爆满，真系抵食。